Ўзбекистонда хавфсизликни таъминлаш ва мураккаб ҳарбий вазифаларни бажариш учун махсус тайёргарликдан ўтган бир қатор элита бўлинмалари фаолият юритади. Улар орасида BSSO, "Қалқон", "Бургут" ва MOON алоҳида тилга олинади.
Ушбу тузилмаларнинг вазифалари бир-биридан фарқ қилади. Айримлари ҳарбий операцияларга ихтисослашган бўлса, бошқалари жамоат хавфсизлиги, терроризм ва уюшган жиноятчиликка қарши курашиш йўналишларида фаолият олиб боради.
BSSO — Мудофаа вазирлигининг Махсус операциялар кучлари. Бўлинма ҳарбий шароитдаги мураккаб топшириқларни бажаришга мўлжалланган. Эълон қилинган маълумотларда ўзбекистонлик ҳарбийлар АҚШдаги мусобақада 20 килограммлик юк билан 20 километр масофани 1 соат 48 дақиқада босиб ўтгани қайд этилади.
"Қалқон" — Миллий гвардия махсус бўлинмаси. Унинг ҳарбий хизматчилари юқори жисмоний ва руҳий тайёргарликдан ўтади. Қизил берет учун синовларда 300 нафардан зиёд номзод қатнашгани, бироқ уларнинг фақат 85 нафари белгиланган талабларни бажара олгани айтилмоқда. Синовлар 10 километрлик масофани босиб ўтиш ва тўртта жангни ўз ичига олган.
"Бургут" — Давлат хавфсизлик хизматига қарашли махсус бўлинма. У ҳақда очиқ маълумотлар нисбатан чекланган. Хусусан, шахсий таркиби сони ва фаолиятининг айрим жиҳатлари ошкор этилмайди.
MOON — Ички ишлар вазирлигининг махсус вазифаларни бажарувчи бўлинмаси. У қуролланган жиноий гуруҳларни қўлга олиш каби хавфли операцияларга жалб этилади. Тарқатилган маълумотларга кўра, бўлинманинг махсус берет синовларида 500 нафардан ортиқ ходим иштирок этган, аммо бор-йўғи 11 нафари муваффақият қозонган.
Бўлинма ходимларининг мураккаб шароитларда узоқ вақт ҳаракатланиши ва яширин кузатув олиб бориши ҳам уларнинг тайёргарлигида муҳим ўрин тутади.
Ўзгидромет 14–15 ноябрь кунлари қандай об-ҳаво бўлишини маълум қилди
Актриса Барчин Ғофурова ва блогер "Кокош" қамалди
Россиядан АҚШга йўл олган учта дизель ташувчи танкер ҳам йўналишини ўзгартирди
