Ўзбекистонликларнинг 6 фоизи иш ҳақини нақд олади

Марказий банк июнь ойида ўтказган сўров натижаларини эълон қилди.

Сўровномада: “Кундалик тўловларни асосан (одатда) қайси шаклда амалга оширасиз?” деган саволга респондентлар қуйидагича жавоб беришган:

фақат нақд пул ишлатувчилар – 15 фоиз

фақат банк картаси ишлатувчилар – 33 фоиз

иккала шаклда фойдаланувчилар – 52 фоиз.

Терминал муаммолари энг кўп Тошкент шаҳрида қайд этилган.

88 фоиз фуқаролар коммунал хизматлар учун тўловни мобил иловалар орқали амалга оширади. Респондентларнинг фақат 5 фоизи коммунал тўловларни нақд пул билан тўлашини айтган.

Аҳолининг 20 фоизи банкоматлар фаолиятидан норозилик билдирган.

Дўконларда нақд харидлар пайтида, респондентларнинг:

65 фоизи – қайтимни олади;

17 фоизи – баъзида қайтим ўрнига сақич ёки гугурт олади;

14 фоизи – доим қайтим ўрнига сақич ёки гугурт таклиф қилинади;

4 фоизи – умуман қайтим берилмайди, дея фикр билдирган.

Кўпчилик иш ҳақларини пластик карталарда олади:

87 фоиз респондентга иш ҳақи банк картаси орқали тўланади.

7 фоизи – иш ҳақини ҳам банк картаси, ҳам нақд шаклда олади.

6 фоизи – иш ҳақини фақат нақд шаклда олади.