Ўзбекистонлик мутахассислар Мозори Шариф аэропортини тиклаш ишларини якунламоқда

Ўзбекистонлик мутахассислар Мозори Шариф аэропортини тиклаш ишларини якунламоқда

Бу ҳақда Ўзбекистон Ташқи ишлар вазирлиги ҳузуридаги Халқаро алоқалар ахборот-таҳлил маркази директори Дониёр Қурбонов "Валдай" халқаро мунозара клубининг Марказий Осиё бўйича II конференциясида маълум қилди.

Унинг сўзларига кўра, Тошкент Афғонистоннинг Марказий ва Жанубий Осиё ўртасидаги тарихий кўприк ролини тиклаш учун катта ишларни амалга оширмоқда. Қурбонов Афғонистонга импорт қилинадиган маҳсулотларнинг 30 фоиздан ортиғи Ўзбекистон Термизи орқали ўтаётганини, Кобул эса Ўзбекистон электр энергиясидан қувват олишини таъкидлади.