Ўзбекистонлик ҳужумчи Ҳусайн Норчаев Португалиянинг "Брага" клубига ўтиши мумкинлиги ҳақида хабар қилинганди.
"Брага" футболчига тиббий кўрикдан ўтиш учун хат юборган. Ўша пайтда Норчаев Доҳада, Ўзбекистон миллий терма жамоаси йиғинида эди. Португалияда қишки трансфер ойнаси 3 февраль куни ёпилиши муносабати билан футболчи йиғинни охирига етказмай Тошкентга қайтиб келишга мажбур бўлди.
Ўзбекистонда Португалия элчихонаси ҳамда ваколатхонаси йўқ. Шу боис футболчининг агентлари Тошкентдаги Франция элчихонаси орқли Россиядаги Португалия элчихонасига алоқага чиқишган. Ўзбекистон Ташқи ишлар вазирлиги ҳам футболчига ёрдамга келди. Бироқ Португалия элчихонаси ходимлари қисқа муддатда виза тайёрлаб бера олмасликларини, футболчидан душанба куни Москвага учиб келишни сўрашган. Норчаев душанба куни Москвада эмас, Португалияда бўлиши керак.
Шу сабабли ҳам мазкур трансфер амалга ошмайдиган бўлди.
"Football Group" агентлиги ва Ҳусайн Норчаев бу трансфер амалга ошиши учун қўлдан келганича ёрдам кўрсатган Франция элчихонасига, Ўзбекистон футбол Ассоциацияси ва Ташқи ишлар вазирлигига миннатдорчилик билдиради.
Криштиану Роналду "Реал Мадрид"га хабар юборди
Гвардиола яна бир марта Ҳусановни тилга олди
"Манчестер Сити" сардори: "Ёнимда бугун кучли Ҳусанов борлигини ҳис қилдим"
