Ўзбекистонда имтиҳон синовларисиз дипломлари тўғридан-тўғри тан олинадиган ОТМлар рўйхати тасдиқланди

Ўзбекистон олий таълим, фан ва инновациялар вазирлиги дипломлари тўғридан-тўғри тан олинадиган топ-1000 таликка кирган ОТМлар рўйхатини тасдиқлади.

Қайд этилишича, Олий таълим, фан ва инновациялар вазирлиги томонидан 2025 йил учун тасдиқланган халқаро эътироф этилган ташкилотларнинг (Quacquarelli Symonds World University Rankings, Times Nigher Education, Academic Ranking of World Universities) рейтингида олий таълим муассасалари орасида биринчи 1 000 ўринни эгаллаган хорижий олий таълим муассасалари рўйхати тасдиқланди.

Ушбу рўйхат 2025 йил учун эълон қилинган бўлиб, ҳар йили янгиланиб туради.

Маълумот учун, ТОП-1000 олийгоҳларни тамомлаган талабаларнинг дипломлари Ўзбекистонда имтиҳон синовларисиз тан олинади (нострификация қилинади).