Ўзбекистон U-17 бугун Осиё Кубоги финалида мезбонларга қарши майдонга чиқади

Бугун Саудия Арабистонида U-17 Осиё кубоги якунланади.

Ҳал қилувчи баҳсда мезбонлар Ўзбекистон U-17 термасига қарши баҳс олиб боради. Учрашув 20 апрель куни Тошкент вақти билан соат 20:00да Тоиф шаҳридаги «Қирол Фаҳд» стадионида старт олади.

Ушбу баҳсни қатарлик Муҳаммад Аҳмад Ал-Шаммари бошқариб боради. Унга қанотларда Юсуф Ареф Ал-Шамари (Қатар) ва Нуаннид Дорнжангрид (Таиланд) ёрдам беради. 4-расмий ҳакам сифатида Ким Ю-Жеонг (Корея Р.), ВАРда эса Даниэл Жон Элдер (Австралия) фаолият юритади.