Тошкентдаги «Пахтакор» стадионида Ўзбекистон ва Россия миллий терма жамоалари ўртасида ўртоқлик учрашуви бўлиб ўтди. Унда Фабио Каннаваро шогирдлари дастлаб 2:0 ҳисобида олдинга чиқди, бироқ якунда рақибига 2:3 ҳисобида мағлуб бўлди.
Учрашувнинг 5-дақиқасида бурчакдан оширилган тўпни Россия терма жамоаси ҳимоячиси Виктор Мелёхин ўз дарвозасига киритиб юборди. Иккинчи бўлим бошида, 46-дақиқада Беҳруз Каримов ҳисобдаги фарқни иккитага етказди.
Бироқ Валерий Карпин бошчилигидаги Россия терма жамоаси учрашувнинг сўнгги қисмида вазиятни ўзгартиришга муваффақ бўлди. 70 ва 75-дақиқаларда захирадан майдонга тушган Николай Комличенко дубль қайд этиб, ҳисобни тенглаштирди. 79-дақиқада Алексей Миранчук ғалаба голини киритди.
Шу тариқа, Ўзбекистон терма жамоаси икки голлик устунликни сақлаб қола олмади ва ўз майдонидаги учрашувда мағлубиятга учради.
Маълумот учун, Ўзбекистон миллий терма жамоаси навбатдаги ўртоқлик учрашувини 17 ноябрь куни Саудия Арабистонига қарши сафарда ўтказади.
Ўзбекистон - Россия учрашувининг энг зўр ўйинчисига бир кило помидор берилди
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
