Ўзбекистон - Қозоғистон ўйини ноябрда бўлмайди - сабаби маълум

Ноябрь ойида Ўзбекистон ва Қозоғистон терма жамоалари ўртасида ўйин ўтказилмайди.

Июль ойида Қозоғистон футбол федерацияси президенти Марат Омаров терма жамоалар ўртасидаги эҳтимолий ўйин ҳақида гапирган эди.

Учрашув бекор қилинганини Қозоғистон терма жамоаси бошқа рақиб билан ўртоқлик учрашуви ўтказишга келишиб олгани ҳам тасдиқлайди. Қозоғистон терма жамоасида ноябрь ойида фақат битта ўртоқлик учрашуви ўтказиш имконияти бор эди, чунки 15 ноябрь куни Бельгияга қарши Жаҳон чемпионати саралашининг сўнгги ўйини бўлиб ўтади.

Қозоғистонлик журналистлар айнан Ўзбекистон терма жамоаси Қозоғистон терма жамоаси билан ўртоқлик ўйинидан воз кечгани, шу сабабли Қозоғистон ноябрь ойи учун бошқа рақиб топганини маълум қилишди.

Рад этишнинг сабаби сифатида Марат Омаров ўйинни музокаралар босқичидаёқ ва расмий келишувдан олдин оммага эълон қилгани айтилмоқда, бу эса ўзбек футбол расмийларининг норозилигига сабаб бўлган.