Ўзбекистон паспорти халқаро ҳаракатланиш имкониятлари бўйича дунё рейтингида сезиларли пасайиш қайд этди. Мамлакат Henley Passport Index'нинг 2026 йил октябрь ойидаги янгиланган рўйхатида 82-ўринга тушди.
Бир йил аввал Ўзбекистон фуқаролари олдиндан виза расмийлаштирмасдан 62 та йўналишга сафар қилиши мумкин эди. Эндиликда бу кўрсаткич 57 тага қисқарган.
Шу тариқа, мамлакат 2025 йил сентябридаги натижасига нисбатан халқаро рейтингда 10 поғона йўқотди. Бу эса сўнгги йилларда кузатилган ижобий ўзгаришлардан кейинги сезиларли пасайиш ҳисобланади.
Рейтингда Сингапур етакчиликни сақлаб қолмоқда. Унинг паспорти билан 193 та йўналишга олдиндан виза олмасдан бориш мумкин.
Япония, Жанубий Корея ва Бирлашган Араб Амирликлари 188 та йўналиш билан иккинчи поғонани бўлишиб турибди. Швеция эса 187 та йўналиш билан учинчи ўринни эгаллаган.
Маълумот учун, Henley Passport Index давлатлар паспортларини олдиндан виза олиш талаб қилинмайдиган сафар йўналишлари сонига қараб баҳолайди. Бунда айрим мамлакатларда етиб борганда виза олиш имконияти ҳам ҳисобга олинади.
Биз Ғазо сектори ва Ливан қишлоқларини вайрон қиляпмиз, бутун дунё эса бизга қойил қолмоқда
Биргина сурат махфий режани тасодифан ошкор қилди. 5 кун ичида нималар бўлди?
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
