Ўзбекистон миллий жамоаси ярим ҳимоячиси Азиз Ғаниевнинг фаолиятидаги навбатдаги манзил маълум бўлди. 28 ёшли футболчи БАА чемпионатида иштирок этувчи "Банияс" сафига қўшилди.
Ғаниев учун бу Бирлашган Араб Амирликларидаги учинчи клуб бўлади. Ҳамюртимиз аввал "Шабаб-Ал-Аҳли" шарафини ҳимоя қилган, кейинчалик эса "Ал-Батаэҳ"да фаолият олиб борган.
Ўтган мавсумда Азиз БАА чемпионатида 25 та учрашувда майдонга тушиб, 2 та гол урди ва 3 та голли узатмани амалга оширди.
"Банияс" янги мавсумни омадсиз бошлади. Жамоа дастлабки тўртта учрашувнинг барчасида мағлубиятга учраган ва очко жамғара олмаган ҳолда турнир жадвалининг сўнгги поғонасида бормоқда.
Қайд этиш керак, Ғаниев "Банияс" либосини киядиган илк ўзбекистонлик футболчи эмас. Аввалроқ Отабек Шукуров ва Акмал Мозговой ҳам ушбу клуб шарафини ҳимоя қилган.
"Манчестер Сити" устози Ҳусановнинг қарорини танқид қилди
"Манчестер Сити" Чемпионлар лигаси учун 23 футболчини рўйхатдан ўтказди
Бир ҳафтада 9 млн доллар! Роналду ўғлининг харажатларидан ҳайратда
