Ўзбекистон футзал терма жамоаси етакчиси профессионал фаолиятини якунлади

2024 йил Осиёнинг энг яхши футзалчиси номинанти Дилшод Раҳматов профессионал спортчилик фаолиятини якунлади.

Бир неча карра Ўзбекистон чемпиони ва чемпионат тўпурари (2021 йил), Хитой чемпионати ғолиби Дилшод Раҳматов 2010 — 2024 йиллар давомида Ўзбекистон миллий футзал терма жамоаси шарафини ҳимоя қилган. Мамлакат жамоаси сафида икки марта Жаҳон чемпионати иштирокчиси, 6 марта Осиё чемпионати иштирокчиси ва 2 карра мусобақанинг кумуш ҳамда 4 карра бронза медали соҳиби ҳисобланади.