Ўзбекистон ФИФА рейтингида кучли 50 таликка қайтди, Франция пешқадамга айланди

ФИФА миллий терма жамоаларнинг янгиланган расмий рейтингини эълон қилди.

Унга кўра, Ўзбекистон миллий терма жамоаси ўз позициясини яхшилаб олди.

Ўзбекистон 50-ўринда

Вакилларимиз рейтингда икки поғона юқорилаб, 1465.34 очко билан дунёнинг энг кучли 50 та жамоаси қаторидан жой олди. Сўнгги баҳсда Венесуэла билан қайд этилган дуранг (0:0) терма жамоамизга кичик бўлса-да (+0.03) ижобий балл тақдим этди.

Осиё қитъасида ҳам вакилларимиз кучли бешликдаги ўринларини мустаҳкамлашган. Қитъамизнинг етакчи жамоалари қуйидагича кўриниш олган:

Япония — 18-ўрин (+1)

Эрон — 21-ўрин (-1)

Жанубий Корея — 25-ўрин (-3)

Австралия — 27-ўрин

Ўзбекистон — 50-ўрин (+2)

Дунёда янги пешқадам

Рейтингнинг юқори қисмида ўзгариш юз берди. Франция терма жамоаси икки поғона юқорилаб, Испанияни ортда қолдирган ҳолда биринчи ўринга кўтарилиб олди.

Кучли ўнлик:

1. Франция (+2)

2. Испания (-1)

3. Аргентина (-1)

4. Англия

5. Португалия (+1)

6. Бразилия (-1)

7. Нидерландия

8. Марокаш

9. Бельгия

10. Германия