Украина Исроилдан Зеленскийнинг шериги Тимур Миндични топширишни сўради

Украина Бош прокуратураси "Энергоатом"даги талон-торожлик иши бўйича асосий гумонланувчи Тимур Миндич ва унинг бизнес шериги Александр Цукерманни экстрадиция қилишни талаб қилмоқда. Миндич "Энергоатом"даги тизимларнинг асосий иштирокчиси ҳисобланади.

Терговга кўра, давлат компанияси билан ишлайдиган пудратчилар етказиб берувчи мақомини олиш учун шартнома суммасининг 10–15 фоизини тўлашга мажбурланган.

Маълумот учун, Тимур Миндич президент Володимир Зеленскийнинг кўп йиллик дўсти ва "Квартал 95" студияси бўйича шеригидир. У 2025 йил ноябр ойида, коррупцияга қарши кенг кўламли тинтувлар бошланишидан бир неча соат олдин Украинани тарк этган. Ҳозирда Миндич Исроил фуқаролигига эга.