Ўзбекистон дунёда биринчилардан бўлиб яшил водороддан минерал ўғитлар ишлаб чиқаради. Бу ҳақда АОКАда ўтказилган брифингда "Ўзкимёсаноати" ахборот хизмати раҳбари Рустамбек Эшбеков маълум қилди.
“Ўзкимёсаноат” томонидан Саудия Арабистонининг “ACWA Power” компанияси билан ҳамкорликда Чирчиқ шаҳрида “Яшил водородни ишлаб чиқаришни ташкил этиш” лойиҳаси амалга оширилмоқда.
“Қиймати 88,0 миллион долларни ташкил қиладиган мазкур лойиҳа доирасида биринчи босқичда 2025 йилда республикамизда 3 минг тонна яшил водород ва қуввати 52 МВт шамол трубинаси, иккинчи босқичда эса 500 минг тонна яшил аммиак ва 2,4 ГВт шамол трубиналари ишга туширилади”, - дея қайд этди Эшбеков.
Қайд этилишича, муқобил электр энергия ресурсларидан самарали фойдаланиш натижасида дунёда биринчилардан бўлиб яшил водороддан минерал ўғитларни ишлаб чиқариш ва юқори қўшимча қийматга эга бўлган маҳсулотларни дунё бозорларига йўналтиришга эришилади.
AKFA университети талабаларнинг контракт пулларини қайтариб бермаяпти
Ўзбекистон халқ артисти Бобомурод Ҳамдамов вафот этди
3та вилоят чегарасига ўзгартириш киритилмоқда
