UzAuto Motors жисмоний шахсларга автомобилни кредитга харид қилиш бўйича байрамона акция эълон қилди

UzAuto Motors компанияси барча юртдошларимизни кириб келаётган Мустақиллик ҳамда Қурбон Ҳайити айёмлари билан қутлаб, махсус акциялар ҳақида эълон қилди.

“2019 йилнинг 9 августидан эътиборан сиз ўзингиз учун 2 йилгача бўлган муддатга энг мақбул кредит шартларда автомобиль харид қилишингиз мумкин”, - дейилган компания хабарномасида.

Акция шартларига кўра, UzAuto Motors компанияси “Асака банк” билан биргаликда “Lacetti-1” ҳамда “ГБО”, “Malibu” ва “Tracker” автомобилларини дастлабки 50 фоиз тўлов эвазига йиллик 5 фоиз устама билан харид қилишни таклиф қилмоқда.