«ПСЖ» ҳужумчиси Усмон Дембеле ўзининг собиқ жамоадоши — «Барселона» футболчиси Гавига қўллаб-қувватлов сўзлари йўллади. Аввалроқ 21 ёшли яримҳимоячи оёғидан операция қилингани ва тўрт-беш ой майдондан ташқарида қолиши маълум бўлган эди.
«Куч-ғайрат тилайман, биродар! Яқин орада тузалиб, сени яна майдонда кўришни истайман! Қаттиқ қучаман ва соғинаман!» — деб ёзди Дембеле ижтимоий тармоқда.
Гави август ойи бошида жароҳат олган. Жорий мавсумда у Ла Лиганинг икки ўйинида иштирок этиб, бир ассист қайд этди. 22 сентябрь куни эса Дембеле «Олтин тўп»ни қўлга киритиб, 2024/2025 мавсуми натижаларига кўра дунёнинг энг яхши футболчиси деб топилди.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
