Уругвай бош мураббийи: "Ўзбекистон билан ўйин жиддийроқ бўлади"

Доминикан Республикасига қарши (1:0) ўйиндан кейин Марсело Бьелса матбуот анжуманида иштирок этди.

- Бугун янги футболчиларни синовдан ўтказдим. Ўйиндан қониқмадим, чунки ўз имкониятимиздан паст ҳаракат қилдик. Ўзбекистон билан бундай қилиб бўлмайди. Улар ЖЧда иштирок этадилар, демак жиддий қарашимиз керак. Қолаверса яқинда мураббийлари ўзгарди.

- Ўзбекистон терма жамоасининг ўйинини кўрдингизми? Кейинги ўйинда таркиб қандай бўлади?

- Баҳсни кўрмадим, энди бу ўйинга тайёрланамиз. Таркиб эса бир кун аввал ҳал бўлади.

Ўзбекистон - Уругвай ўртоқлик ўйини 13 октябрь куни ўтказилади. Баҳс бизнинг вақт билан 17:45да старт олади.