"Ўрикзор"да сотилаётган айрим маҳсулотлар юзасидан огоҳлантириш берилди

“Ўрикзор” бозори “Стройгород” савдо дўконларида сотилаётган “Sarkor PUGNP 2x1,5” ҳамда “Хитой PVS 3x1,5” савдо бренди остидаги кабел маҳсулотлари фуқароларнинг ҳаёти, соғлиги ва мол-мулкини муҳофаза қилиш нуқтаи назаридан текширилди.

Техник жиҳатдан тартибга солиш соҳасида назорат инспекцияси маълумотига кўра, Хитой давлатида ишлаб чиқарилган мазкур кабел маҳсулотларини техник жиҳатдан тартибга солиш соҳасидаги норматив ҳужжатлар талабларига мувофиқлигини аниқлаш мақсадида назорат харидлари тадбирлари ўтказилди.

Синов натижалари:
✅ “Sarkor PUGNP 2x1,5” кабел маҳсулотлари “мис ўтказгичларнинг электр қаршилиги” бўйича белгиланган стандарт талабларига номувофиқ экани аниқланди.
✅ “Хитой PVS 3x1,5” кабел маҳсулотлари эса “изоляциянинг минимал қалинлиги” ва “мис ўтказгичларнинг электр қаршилиги” бўйича стандартларга номувофиқ экани қайд этилди.

Мазкур кабел маҳсулотларидан фойдаланиш жараёнида ёнғин хавфи юзага келиши мумкин.