"Улар Хулианни дунёдаги исталган клубга сотишга тайёр эди, аммо «Барселона»га эмас"

Лапорта Хулиан Альварес трансфери ҳақида:

«Атлетико» ўзининг асл позициясини кўрсатди. Улар ўзларини жабрланган томон сифатида тутишди, аммо бундай муносабатларини оқлайдиган ҳеч қандай асослари йўқ эди. Биз одатдагидек ҳаракат қилдик: клублар ўртасида музокаралар бўлган, кейин эса мен шахсан Хиль Марин билан гаплашдим.

У менга ўринбосар йўқлиги сабабли Хулиан бизга ўтмаслигини айтди. Кейин эса «Атлетико» томонидан ноўрин муносабат билдирилди. Бунинг сабабини билмайман. Нима учун бундай бўлганини тахмин қилишим мумкин, аммо бунга далилим йўқ.

Биз «Барселона»дан ташқари дунёнинг исталган клубига Хулианни сотишга тайёр эканликлари ҳақида хабарлар эшитаётгандик. Аслида ҳам шундай бўлиб чиқди — улар Хулианни дунёдаги исталган клубга сотишга тайёр эди, аммо «Барселона»га эмас.

Бу энди ўтмишда қолди. Ҳозир эса таркибимиздан жуда хурсандмиз».