"Украинлар Грознийга уюштирилган зарбага бизнинг қаттиқ жавобимизни ҳис қилади"

Кейинги бир ҳафта давомида украинлар Грознийга уюштирилган зарбага бизнинг қаттиқ жавобимизни ҳис қиладилар, деди Рамзан Қодиров.

Шунингдек, "Бизнинг ҳужумларимиз тинч аҳоли яшайдиган жойларга эмас, балки ҳарбий террорчилик объектларига қаратилади", — дея қўшимча қилди Чеченистон раҳбари.

Украина дрони 5 декабр тонгида Чеченистон пойтахтидаги “Грозный-Сити” комплекси минораларидан бирига ҳужум қилган. Бу ҳақда биринчи бўлим чечен мухолифатининг NYISO Telegram-канали хабар тарқатди, кейинроқ бу маълумотни RT давлат каналининг ҳуқуқ-тартибот органларидаги манбаси тасдиқлади.

Зарбага учраган осмонўпар бинода Чеченистон хавфсизлик хизмати, ҳудудий туризм вазирлиги, Адлия вазирлиги, Ҳисоб палатаси ҳамда “Единая Россия” партиясининг сайлов комиссияси ва қабулхонаси жойлашган.

Шунингдек, ушбу бинодан бир неча ўн метр масофада Федерал хавфсизлик хизматининг ҳудудий бошқармаси офиси бор. Украинадаги мониторинг каналлар айнан шу бошқарма дрон нишони бўлганини, аммо у радиоелектрон кураш воситалари таъсирида нишондан оғиб кетганини тахмин қилишган.