Украинага 300дан ортиқ дрон ва 8 та ракета билан ҳужум қилинди — Зеленский

2025 йил 31 июль куни тонгда Украинага оммавий ҳаво ҳужуми амалга оширилди. Бу ҳақда мамлакат президенти Владимир Зеленский Телеграмда маълум қилди.

Унинг айтишича, Россия томонидан 300дан зиёд дрон ва 8 та ракета Украина ҳудудига учирилган.

"Асоcий нишон — пойтахт Киев бўлди. Днепропетровск, Полтава, Сум, Николаев ва Киев вилоятлари ҳам ҳужумдан жабрланди", — деди Зеленский.

Президентга кўра, Киевда уй-жой инфратузилмалари жиддий зарар кўрган. Ҳозирда маҳаллий ҳокимият ва қутқарувчилар ҳалокат оқибатларини бартараф этиш ишларини олиб бормоқда.

Жабрланганлар ва кўрилган зарар миқдори тўғрисидаги маълумотлар янгиланмоқда.