SpaceX раҳбари Илон Маск ўтган ҳафтада Украинада Starlink тизимининг ҳарбий версияси — Starshield ишини чеклашни шахсан буюрган.
Бу ҳақда америкалик мулозимлар ва The Wall Street Journal нашрининг вазиятдан хабардор манбалари маълум қилди.
Баъзи америкалик мулозимларнинг сўзларига кўра, Маск ушбу қарорни мустақил равишда қабул қилган ва АҚШ Президенти Дональд Трамп бу бўйича ҳеч қандай топшириқ бермаган.
Бироқ нашр манбаларидан бирининг таъкидлашича, тадбиркор тизим тезлигини чеклашдан олдин АҚШ маъмуриятининг кўплаб юқори мартабали вакиллари, жумладан, унинг раҳбари (президент) билан ҳам суҳбатлашган.
Маск бундан олдин чекловлар учун жавобгарликни рад этиб, Starshield тезлиги ва ундан фойдаланиш бўйича қарорларни АҚШ расмийлари қабул қилишини даъво қилган эди.
"Starshield тизимлари АҚШ ҳукуматига тегишли ва у томонидан назорат қилинади. Тезликни чеклаш ёки ундан фойдаланиш шартлари тўғрисидаги қарорлар ҳарбий раҳбарият ва якуний босқичда АҚШ президенти томонидан қабул қилинади", — деб ёзган эди Маск ўзининг Х ижтимоий тармоғидаги саҳифасида.
Кейинчалик Трамп Оқ уйнинг Жанубий майдончасида журналистлар билан бўлган суҳбатда Starshield тизимининг секинлаштирилишига алоқаси йўқлигини алоҳида таъкидлаб ўтган.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
