Украина Мудофаа вазирлиги давлат ва хусусий компаниялар, шунингдек, олимларнинг мудофаа кучлари билан ўзаро ҳамкорлигини ташкил этадиган ва космик кучларни яратишга ёрдам берадиган космик сиёсат бўлимини яратди.
Бу ҳақда мудофаа вазирининг рақамлаштириш бўйича ўринбосари Екатерина Черногоренко маълум қилди.
"Бизда космик фаолият тўғрисидаги қонун бор, унда Мудофаа вазирлиги ҳарбий коинот соҳасида сиёсатни шакллантириши кераклиги айтилган. Бу нафақат муҳандислардан инновацион ечимларни сотиб олиш, бу нафақат Украинага энг яхши ечимлар келиши учун ҳамжамиятни яратиш, балки космик қўшинларни яратишдир", деди у.
Черногоренконинг сўзларига кўра, мудофаа вазирлиги космик технологиялар, маҳсулотлар ва хизматлар учун Украинадаги асосий мижозга айланиш ниятида. Ва бу бўлим мудофаа кучлари билан ўзаро ҳамкорлик қилиш учун давлат ва хусусий муассасаларни, космик соҳа олимларини бирлаштириши керак.
Унинг қўшимча қилишича, 2030 йилга бориб Украина мудофаа мақсадларида миллий сунъий йўлдошлар, шунингдек, ҳаво ҳужумидан огоҳлантириш тизими ва космик назоратга эга бўлишни режалаштирмоқда.
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ мудофаа вазирининг қўлида арабча ёзилган татуировка борми?
АҚШ Украина билан урушдан кейин Россия учун янги режа таклиф қилади
