Нигериялик боксчи жанг пайтида вафот этди

Нигериялик боксчи Габриэль Олувасегун Оланреваджу 40 ёшида Ганадаги жанг вақтида йиқилиб, вафот этди.

Бу ҳақда Gana Boxing Authority (GBA) хабар берди.

Манбага кўра, боксчи Гана пойтахти Аккра шаҳрида ганалик Жон Мбанугуга қарши кечган ярим оғир вазндаги жангининг учинчи раундида ҳушини йўқотган. Биринчи тиббий ёрдам кўрсатилгандан сўнг, Оланреваджу Корле-Бу касалхонасига олиб борилган ва у келганидан 30 дақиқа ўтгач вафот этгани маълум қилинган.

Оланреважу 13 ғалаба (12 нокаут билан), 8 мағлубият, 2 дуранг. У Россияда бешта жанг ўтказиб, барчасида мағлуб бўлган. Профессионал рингда Оланреважу Нигерия ва Ғарбий Африка чемпиони бўлди ва Африка чемпиони унвони учун боксга чиқди.