Украина ва Америка расмийлари хавфсизлик кафолатлари ҳақидаги ҳужжатни онлайн муҳокама қилишди.
Бу ҳақда Украина президенти Владимир Зеленский ўзининг Telegram-каналида маълум қилди.
Унга кўра, музокараларда АҚШ томонидан Давлат котиби Марко Рубио, Пентагон котиби Пит Хегсет, АҚШ президентининг махсус вакили Стив Уиткофф, АҚШ президентининг куёви Жаред Кушнер ва америкалик генераллар иштирок этган. Мулоқотда НАТО Бош котиби Марк Рютте ҳам иштирок этди.
"Биз Америка томонининг нафақат урушни тугатиш, балки Украина хавфсизлигини таъминлаш ва Россиянинг янги босқинининг олдини олиш бўйича турли даражадаги фаол ишини жуда қадрлаймиз. Бу Американинг жиддийлиги ва натижаларга содиқлигини кўрсатади", - деди Зеленский.
У хавфсизлик кафолатлари келгусидаги барча қадамлар учун энг муҳим омиллардан бири эканлигини таъкидлади. Унинг қайд этишича, Украина аллақачон Будапешт меморандуми билан боғлиқ салбий тажрибага эга.
“Шунинг учун хавфсизлик кафолатлари бўйича ушбу ҳужжатда украиналикларни нима кўпроқ ташвишга солаётгани: Россия ўз тажовузини қайтадан бошлашга қарор қилса, бизнинг ҳамкорларимиз қандай чоралар кўриши ҳақидаги аниқ жавобларни ўз ичига олиши ҳозир муҳим”, - дея таъкидлади Украина раҳбари.
Музокаралар чоғида томонлар яқин келажакда Украина учун хавфсизлик кафолатлари бўйича аниқ тушунчага эришиш учун фаол ишлашга келишиб олдилар.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
