Украина ва АҚШ қурол-яроғ бўйича келишувларнинг асосий тамойиллари бўйича келишиб олди

30 июль куни Украина президенти Владимир Зеленский АҚШ билан қурол-яроғ бўйича келишувларнинг асосий тамойилларини келишиб олди.

Бу ҳақда Украина етакчиси кечки мурожаатида айтиб ўтди.

"Мен бугун АҚШ билан қуролланиш бўйича келишувларимиз асосий тамойиллари бўйича ҳам келишиб олдим. Президент Трамп билан бу кенг кўламли келишувлар ҳақида гапирдим. Ва мен буларнинг барчасини бажара оламиз, деб чинакам умид қиламан. Бу, албатта, ҳар икки давлатимизни, шунинг учун ҳам иттифоқчиларимизни, ҳамкорларимизни мустаҳкамлайди", — деди Зеленский.

Унинг қайд этишича, Украина АҚШнинг тинчлик учун Россияга босим ўтказиш бўйича қўйган фундаментал қадамларини қадрлайди.

"Ҳозир биз Россияни тинчликка мажбурлаш учун ҳаракат қилишимиз керак. Ҳа, Москва курашни давом эттирмоқчи. Лекин бутун савол потенциалда, бутун савол уруш учун ресурслар, пул ҳақида. Шунинг учун ҳам санкциялар фойдали. Шунинг учун босим самарали бўлиши мумкин", - дея қўшимча қилди Украина президенти.

Унинг сўзларига кўра, ҳозирда турли даражадаги ҳамкорлар билан янги суҳбатлар ва учрашувлар тайёрланмоқда, уларнинг мақсади Украина ва тинчликка интилаётган барчанинг позициясини мустаҳкамлашдан иборат.