Украина ва Албания 10 йиллик шартнома тузди

Украина президенти Владимир Зеленский ва Албания бош вазири Эди Рама 10 йиллик ҳамкорлик ва қўллаб-қувватлаш тўғрисидаги шартномани имзолади.

"Албания Украинага кенг кўламли босқин бошланганидан бери ҳарбий ва гуманитар ёрдам кўрсатди ва келишувнинг бутун ўн йиллик муддати давомида ёрдам беришда давом этади. Албания ҳам жангчилар коалициясига ҳисса қўшади", - деди Зеленский баёнотида.

Битим матни аллақачон Украина президенти девони сайтида эълон қилинган. Унда Албания Россиянинг Украинага қарши тажовузкорлигини қоралайди ва Украинанинг 1991 йилдан бошлаб халқаро тан олинган чегаралари, жумладан, ҳудудий денгизи доирасидаги мустақиллиги, суверенитети ва ҳудудий яхлитлигини сўзсиз қўллаб-қувватлашини тасдиқлайди.