Украина ўзининг FP-7 тактик баллистик ракетасини биринчи марта жанговар шароитда қўллади

Украина президенти Владимир Зеленский мамлакат ўзининг FP-7 тактик баллистик ракетасини биринчи марта жанговар шароитда қўллаганини маълум қилди.

Зеленский бу ҳақда Telegram’даги саҳифасида ёзди.

FP-7 — Украинада ишлаб чиқилган, ер усти қурилмасидан учириладиган тактик баллистик ракета ҳисобланади. Расмий маълумотларга кўра, унинг учиш масофаси 200 километргача, жанговар қисми оғирлиги 150 килограммгача, тезлиги эса соатига тахминан 1500 метрга етиши мумкин.

Зеленский ракета биринчи марта жанговар шароитда қўлланганини тасдиқлар экан, кейинги босқич ушбу ракеталарни оммавий ишлаб чиқариш бўлишини айтди.