Россия Федерацияси билан музокараларда Украина делегацияси раҳбари, Миллий хавфсизлик ва мудофаа кенгаши котиби Рустем Умеров Украина ўт очишни тўхтатишга тайёр эканлигини ва доимий равишда етакчилар даражасида учрашув ўтказиш тарафдори эканини таъкидлади.
Бу ҳақда Рустам Умеров ўзининг Facebookдаги саҳифасида ёзди.
"Бугун Украина президенти топшириғини бажариш мақсадида Украина делегацияси Истанбулда. Музокаралар олдидан биз жамоа билан якуний тайёргарликни амалга оширдик. Биз адолатли ва барқарор тинчликка эришиш учун - бутун халқимизни, жумладан, Россияга ноқонуний равишда депортация қилинмаган болаларни қайтариш учун музокаралар жараёнини давом эттирмоқдамиз".
Умеровнинг қайд этишича, Украина ўт очишни тўхтатишга тайёр ва делегация “бунга эришиш учун ҳар бир, ҳатто энг кичик имкониятдан ҳам фойдаланади”.
"Ва бу мумкин. Ўт очишни тўхтатишнинг барча техник механизмлари яхши маълум. Ягона тўсиқ - Москванинг ноконструктив позицияси", - дея қўшимча қилди у.
Умеров, шунингдек, Украина доимий равишда етакчилар учрашувини қўллаб-қувватлаётганини таъкидлади.
"Биз бунга кеча тайёр эдик. Бугун тайёрмиз. Эртага эса тайёр бўламиз. Бундай учрашув ҳақиқий сиёсий тараққиёт йўлини очишга қодир. Россия ўз тайёрлигини намойиш қилиши керак", - дея чақирди у.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
