АҚШ президентининг Украина ва Россия бўйича махсус вакили Кит Келлог Fox News телеканалида чиқиш қилиб, 23 апрел куни Лондонда бўлиб ўтган музокараларда Вашингтон ва Киев ўртасида Россия-Украина урушини тинч йўл билан ҳал қилиш бўйича 22 банддан иборат битимга эришилганини маълум қилди.
Келлогнинг айтишича, Украина ушбу битим доирасида фронтдаги мавжуд вазиятга кўра айрим ҳудудий муросаларга боришга тайёрлигини билдирган.
"Украиналиклар россияликлар босиб олган ҳудудлардан воз кечишлари мумкинлигини очиқ айтишди. Бу ерлар ҳозирда Россия назорати остида ва улар бу ҳақиқатни тан олишмоқда. Бу де-юре эмас, де-факто тан олиш бўлади", — дея аниқлик киритди Трампнинг махсус вакили.
Унинг сўзларига кўра, Киев барқарор ва тўлиқ ўт очишни тўхтатиш режимини истайди. Бу, ўз навбатида, якуний тинчлик келишувига йўл очиши керак.
"Киев шундай тинчлик келишувни хоҳлайди, АҚШ президенти ҳам айнан шуни истайди. Биз бир томоннинг розилигини олдик. Энди иккинчи томоннинг, яъни Россиянинг жавобини кутяпмиз. Энди ҳаммаси Москва ва Владимир Путиннинг қарорига боғлиқ. Менимча, биз тинчликка жуда яқинмиз", — деди Келлог.
Россия Ҳиндистон ва Покистонга мурожаат қилди
Россияликлар энди урушмоқчи эмас
Қозоғистон Хитойга ер бергани ҳақиқатми?
