Украина Россия билан ўт очишни тўхтатишнинг 5 та форматига тайёрми?

Украина ўт очишни тўхтатишнинг беш хил форматига тайёр — Украина Ташқи ишлар вазирлиги.

Киев тинчликка эришишга тайёр ва ўз ҳамкорлари билан биргаликда беш хил ўт очишни тўхтатиш формати устида ишламоқда. Бу ҳақда Украина Ташқи ишлар вазирлиги матбуот котиби Георгий Тихий маълум қилди.

Унинг қайд этишича, гап ташқи ишлар вазири Андрей Сибига аввал тилга олган бешта турли формат ҳақида бормоқда. Бу Украина дипломатияси иштирокидаги реал ҳамда ўзаро манфаатли йўналишдир.

Украина қуйидаги бешта йўналиш бўйича иш олиб бормоқда:

1. Тўлиқ ва сўзсиз ўт очишни тўхтатиш. Бу келишувга Украина 2025 йил март ойидаёқ рози бўлган. Ушбу келишув ўз кучида қолмоқда ва Россиянинг жавоб қарорини кутмоқда.

2. Қора денгиз формати. Қора денгизда кемалар қатнови хавфсизлигини таъминлаш бўйича таклифлар Туркия ва Миср билан ҳамкорликда ишлаб чиқилмоқда.

3. Қора денгиздаги озиқ-овқат хавфсизлиги. Ҳиндистоннинг фаол иштироки билан озиқ-овқат экспортини сақлаб қолиш ва ҳимоя қилиш бўйича қарор.

4. Ҳиндистон воситачилигида энергия йўлаги. Энергетика инфратузилмаси секторида махсус ўт очишни тўхтатиш, бу йўналишда Ҳиндистон томони фаол ишламоқда.

5. Энергетика бўйича АҚШ йўналиши. Украина президенти Зеленский ва Доналд Трамп муҳокама қилган АҚШ иштирокидаги энергетика сулҳи устида ишлаш.

"Қарс икки қўлдан чиқади, шунинг учун Россия томонининг бу шартларга розилиги зарур. Биз бу таклифлар ўзаро манфаатли ва реал эканига ишонамиз", — дея таъкидлади Тихий.