Украина қуролли кучлари Украинанинг Донецк вилоятидаги етти аҳоли пункти устидан назоратни тиклади.
Бу ҳақда Украина Қуролли кучлари бош қўмондони Александр Сирский ўзининг Telegram’даги каналида маълум қилди.
"Украина мудофаа кучларининг Донецк вилоятида, Добропиллиа йўналишидаги операцияси давом этмоқда. Ҳарбий кучларимиз душман мудофаа чизиғига 3-7 километр олдинга ўтиб бормоқда.
Еттита аҳоли пунктида назорат тикланди, тўққизтаси душманнинг саботаж ва разведка гуруҳидан тозаланди.
Амалиёт давомида жами 160 квадрат километр майдон озод қилинди, яна 171 квадрат километр ҳудуд саботаж ва разведка гуруҳларидан тозаланди", — деди Сирский.
Унинг таъкидлашича, бу даврда Россиянинг шахсий йўқотишлари 2456 кишини ташкил этган, шундан 1322 нафари тузатиб бўлмайдиган йўқотишдир.
Аввалроқ Украина президенти Владимир Зеленский Украина қуролли кучлари Донецк вилоятида муваффақиятли қарши ҳужум операциясини ўтказаётганини маълум қилганди.
"Охирги бир неча ҳафтада биз қарши ҳужум операцияларимиздан бирини ўтказдик. Йигитлар зўр иш олиб бормоқда. Бу Донецк секторида, Покровск ва Добропилля яқинида. Шиддатли жанглар бўлди, бироқ биз россияликларга катта йўқотишлар етказишга муваффақ бўлдик", - деди Украина раҳбари видеомурожаатида.
Тошкентда она ўзини ва 2 боласини 8-қаватдан ташлаб юборди (юраги бўшлар кўрмасин)
Қирғизистон пойтахти кўчириладими?
Юқори қаватдан ўзини ва икки нафар фарзандини ташлаган аёл ҳалок бўлди, икки ўғилнинг ҳаёти сақлаб қолинди
