Украина Олий Радаси коррупцияга қарши курааҳувчи идораларга ваколатларни қайтариш бўйича қонун лойиҳасини маъқуллади

Ушбу қонун лойиҳаси Украина президенти Владимир Зеленский томонидан киритилган бўлиб, уни 331 нафар депутат қўллаб-қувватлади, дея хабар берди “Суспильне”.

Қонуннинг асосий бандлари қуйидагилардан иборат:

— НАБУ (Миллий коррупцияга қарши бюро) ва САП (Коррупцияга қарши махсус прокуратура) процессуал мустақиллиги тикланади. Уларнинг барча ваколатлари қайтарилади;

— Бош прокурор ва унинг ўринбосарларига САП прокурорларига мажбурий ёзма кўрсатмалар бериш тақиқланади;

— Бош прокурорнинг НАБУ ишларига аралашиши ёки уларни бошқа идораларга топшириши тақиқланади;

— Гумонланувчиларнинг тарафдорлари томонидан терговни ёпиш ёки иш юритувини ўзгартириш бўйича қарорлар қабул қилиш ҳуқуқи САП ва НАБУ органларига қайтарилади.

22 июл куни Олий Рада қабул қилган ва президент Володимир Зеленский имзолаган аввалги қонун НАБУ ва САПни амалда мустақилликдан маҳрум қилган эди. Мазкур қарор Украинада норозиликларга сабаб бўлди, Европа Иттифоқи ҳам бунга ўз эътирозини билдирганди.

24 июл куни кечқурун президент Зеленский Олий Радага янги қонун лойиҳасини киритди, бу ҳужжат коррупцияга қарши органларнинг ваколатларини чекловчи аввалги қонунни амалда бекор қилади.