Украина Европага асосий ҳарбий техника етказиб берувчига айланади

Қўшма Штатлар Украина мудофаа харажатларини кўпайтирар экан, Европа давлатлари учун асосий ҳарбий техника етказиб берувчига айланишини кутмоқда.

Бу ҳақда АҚШнинг НАТОдаги доимий вакили Мэттью Уитэкер Fox News телеканалига берган интервьюсида маълум қилди.

"Украина албатта Европага асосий ҳарбий техника етказиб берувчига айланади, чунки Европа давлатлари ҳамма келишиб олган 5 фоизни сарфлайди", — деди Уитэкер.

Унинг сўзларига кўра, Украина иқтисодиёти қандай бўлиши ҳақида ҳозирданоқ ўйлаш керак. Унинг таъкидлашича, Украина мудофаа секторидан ташқари қишлоқ хўжалиги иқтисодиёти, портлари ва инфратузилмасини тиклаши керак, бунинг учун “асосан Европадан кўп маблағ талаб қилинади”.