UFC 311: Ҳамюртимиз Богдан Гусков рақибини иккинчи раундда мағлуб этди

MMA устаси Богдан Гуськов UFC 311 турнирида жангини америкалик 29 ёшли Билли Элеканга қарши ўтказди.

Баҳснинг иккинчи раундида Богданнинг бўғиш усули туфайли Элекана жангни давом эттира олмади. Богдан илк раунднинг охирида ҳам рақибини бўғиш усулига туширганди.

Тошкент вилоятида туғилган 32 ёшли Богдан Гуськов профессионал фаолиятидаги 20-жангида ўзининг 17-ғалабасини нишонлади.

Эслатиб ўтамиз, Богдан Гуськов UFC Вегас 91 турнирида америкалик Райан Спенни иккинчи раундда техник нокаутга учратганди.

Билли эса MMA'да 8 ғалаба (4 таси нокаут), 1 дуранг ва 2 мағлубият қайд этган. Элекан бундан аввалги жангини 2024 йилнинг июль ойида Lights Out Xtreme Fighting турнири доирасида Журилл Симмонсга қарши ўтказиб, рақибини биринчи раунднинг ўзида техник нокаутга учратганди.