Жаҳон чемпионати учинчи саралаш босқичи муҳим ўйинлари олдидан ЎФА президенти Баҳодир Қурбонов миллий терма жамоа билан учрашиб омад тилади.
Ўзбекистон миллий терма жамоаси 2026-йилги Жаҳон чемпионатининг учинчи саралаш босқичи доирасида 20 март куни Қирғиз Республикаси, 25 март куни Эрон билан ўйнайди. Кеча Ўзбекистон футбол ассоциацияси президенти Баҳодир Қурбонов масъулиятли ўйинлар олдидан миллий терма жамоа аъзолари билан учрашди ва ушбу босқич аҳамияти, халқимизнинг азалий орзуси бўлмиш Мундиал йўлланмасини қўлга киритиш орқали мухлисларни хурсанд қилиш муҳимлиги ҳақида тўхталди. Бош мураббий Тимур Кападзенинг режалари тингланди.
Футболимиз раҳбари шунингдек, футболчилар билан суҳбатда ижобий натижаларга эришиш учун ЎФА томонидан барча зарур шароитлар тақдим этилишини маълум қилди. Ўз ўрнида жамоамизнинг бир қатор етакчи футболчилари ўз фикрларини билдириб ўтишди. Тиббий штаб ва жамоага алоқадор барча мутахассисларга тегишли кўрсатмалар берилди. Баҳодир Низомович бўлажак учрашувларда жамоамизга омад тилади.
Абдуқодир Ҳусановнинг нархи рекорд даражада кўтарилди
Аббос Файзуллаевнинг Россиядан кетадиган вақти келдими?
«Ман Сити» раҳбари ёзда Гвардиола билан хайрлашишга қарор қилди. Унинг ўрнига асосий номзод маълум
