Роттердам порти Россия билан урушга тайёрланмоқда

Европанинг энг йирик денгиз порти, Нидерландиянинг Роттердам порти Россия билан уруш юзага келган тақдирда операцияларни ўтказиш режалари устида ишламоқда. Financial Times (FT) порт маъмурияти раҳбари Баудевейн Симонс баёнотига таяниб хабар беришича, бу Буюк Британия, Канада ва АҚШдан ҳарбий юкларни етказиб берувчи кемалар учун жой ажратиш ва фуқаролик юкларини қайта йўналтириш режаларини ишлаб чиқишни ўз ичига олади.

Нидерландия Мудофаа вазирлиги май ойида Роттердам порти НАТО сўровига кўра ҳарбий юклар бўлган кемалар учун жой ажратиши кераклигини эълон қилган эди.

Роттердам порти ҳар йили тахминан 436 миллион тонна юкни қабул қилади ва дунёдаги энг йирик юк портлари ўнталигига киради. Йилига 28 000 денгиз ва 91 000 дарё кемаларини қабул қилади. Айни пайтда порт мунтазам равишда НАТО қўшинлари учун юкларни қабул қилади.