Германия мудофаа вазири Борис Писториус мажбурий ҳарбий хизматнинг тўхтатилишини бир неча бор хато деб атаган. Энди у 2011 йилда ҳукумат қабул қилган қарорни бекор қилмоқчи. Bild хабарига кўра, Мудофаа вазирлиги мажбурий ҳарбий хизматга қайтиш бўйича учта концепция ишлаб чиққан.
Дие Wэлт нашрининг ёзишича, ҳар учала вариант ҳам ўтган ҳафтада Писториусга тақдим этилган. Мудофаа вазирлиги раҳбари июнь ойида режалардан бирини тақдим этиши кутилмоқда.
Биринчи контсепция ҳозир Германияда мавжуд бўлган ихтиёрий ҳарбий хизмат кенгайтирилишини назарда тутади. Вояга этган фуқаролар рўйхатдан ўтишлари ва Бундесверда хизмат қилиш тўғрисида айтиладиган махсус маълумот материалларини олишлари керак. Мақсад, имкон қадар кўпроқ кўнгиллиларни «эрта» олишдир.
Иккинчи вариант 2011 йилгача мавжуд бўлган моделга қайтишни ўз ичига олади. Эркаклар тиббий кўрикдан ўтиш учун онлайн шаклни тўлдиришлари керак бўлади, бу протседура ихтиёрий бўлиб қолади. Ушбу моделдан кўзланган мақсад йилига 30-40 минг нафарга яқин ҳарбий хизматчиларни таъминлашдан иборат.
Учинчи режа - Германияда эркаклар ва аёллар учун универсал мажбурий хизматни жорий этиш. Бундай ҳолда, 18 ёшдан ошган ҳар бир киши тиббий кўрикдан ўтиш учун анкетани тўлдириши керак. Бироқ, ушбу моделни амалга ошириш учун Германиянинг асосий қонунига ўзгартиришлар киритиш керак.