U-17 ЖЧ. Португалия чемпион, Италия 3-ўринни қўлга киритди

Қатар мезбонлигида ўтган 17 ёшгача бўлган футболчилар ўртасидаги Жаҳон чемпионати якунланди.

27 ноябрь куни турнирда учинчи ўрин соҳиби ва ғолиб аниқланди.

Дастлаб, Бразилия ва Италия учинчи ўрин учун кечган баҳсда иштирок этишди. Асосий вақтда ҳисоб очилмади - 0:0. Пенальтилар сериясида итальянлар аниқроқ ҳаракат қилишди - 4:2.

Финалда Португалия Австрияга қарши майдонга чиқди ва 1:0 ҳисобида ғалаба қозонди. Анисио Кабралнинг 32-дақиқада киритган голи португалияликларга Жаҳон чемпионати бош совринини келтирди.