АҚШнинг биринчи хоними Мелания Трамп ва миллиардер Илон Маск фуқаролигидан маҳрум қилиниши мумкин

АҚШнинг биринчи хоними Мелания Трамп ва миллиардер Илон Маск фуқаролигидан маҳрум қилиниши мумкин. Бу ҳақда Newsweek хабар берди.

"Республикачи сенатор Берни Морено янги қонун лойиҳасини илгари сурмоқда. Ушбу қонун лойиҳаси Қўшма Штатларда қўшфуқароликни тақиқлашни назарда тутади ва бу бир қатор америкалик таниқли шахсларга таъсир қилиши мумкин", дея хабар бермоқда нашр.

Агар мазкур қонун кучга кирса, Словения фуқаролигига ҳам эга бўлган АҚШнинг биринчи хоними Мелания Трамп бир йил ичида Словения ёки АҚШ фуқаролигидан воз кечишга мажбур бўлади. Трамп оиласидан ташқари, чекловчи чоралар америкалик ишбилармон Илон Маскка ҳам таъсир қилиши мумкин. У АҚШ, Жанубий Африка Республикаси ва Канада фуқаролигига эга.