Туркияга кириш визаси нархи белгиланди

«Бир марталик Туркия визаси нархи 60 доллар, кўп марталик визаси 190 доллар», — дейилади Туркиянинг Тожикистондаги элчихонаси баёнотида.

Шунингдек, транзит рейсга эга бўлганлар учун виза талаб қилинмаслиги қайд этилган.

Эслатиб ўтамиз, Тожикистон фуқаролари учун Туркияга саёҳат қилишда 20 апрелдан бошлаб виза тартиби жорий этилади. Шунга кўра, шу кундан бошлаб Тожикистон фуқаролари ушбу давлатга боришдан олдин виза олишлари керак. У Туркия дипломатик ваколатхонасидан олиниши керак.

Айни пайтда Туркиянинг Душанбедаги элчихонаси виза режимининг жорий этилиши, эҳтимол, вақтинчалик чора эканлигини маълум қилди.

Илгари Тожикистон фуқаролари Туркияга визасиз кириб, у ерда 90 кунгача қолишлари мумкин эди.