Қозоғистон мактабларида охирги ўқиш куни 23 май куни бўлади.Бу ҳақда ҚР Таълим-маориф вазирлиги маълум қилди.
Анъанага кўра 34 ҳафта давом этган ўқув йили ниҳоясига етмоқда. Унинг натижаларини бутун мамлакат бўйлаб 3,9 миллиондан ортиқ мактаб ўқувчилари чиқаради. 217 мингдан ортиқ ўн биринчи синф ўқувчилари учун бу битирув мактаб билан рамзий хайрлашув бўлади.
– Ўтган йилгидек, ўқувнинг сўнгги куни – 23 май куни мамлакатимиздаги барча мактабларда «Білімім — Отаныма» шиори остида Ягона синф соати ўтказилади. Бутун таълим тизими учун ушбу муҳим воқеа ўқувчилар ва ўқитувчиларга биргаликдаги иш натижаларини сарҳисоб қилиш, бир-бирларига миннатдорчилик билдириш ва ўтаётган ўқув йилининг энг муҳим воқеаларини эслаш имкониятини беради. Жорий йилда ўқув йилининг расмий якуни якшанба кунига тўғри келгани боис 11-синф битирувчилари учун тантанали тадбирлар мактаб маъмурияти қарорига кўра 23 ёки 24 май кунлари бўлиб ўтади, — дея хабар беради вазирлик.
ҚР Таълим-маориф вазирлиги барча мактаб ўқувчилари учун хавфсизлик ва тенг шароитларни таъминлаш мақсадида дабдабали тадбирлар ўтказиш, маблағ йиғиш, автомашиналар ҳайдаш ёки мактаб форматидан ташқарига чиқадиган байрам тадбирларини ўтказиш тавсия этилмаслигини эслатди.
Россия Ҳиндистон ва Покистонга мурожаат қилди
Россияликлар энди урушмоқчи эмас
Қозоғистон Хитойга ер бергани ҳақиқатми?
