Туркияда икки ишчи 3 тонналик металл қатлам остида қолиб, ҳалок бўлди

Туркиянинг Қирққалъа вилояти, Яхшихон туманидаги саноат ҳудудида саноат ускуналари ишлаб чиқарувчи заводда уч тонналик металл лист остида қолиб кетган икки ишчи ҳалок бўлди.

Haber Global хабар беришича, ҳалок бўлганлар 56 ёшли Мутлу Атай ва 58 ёшли Текин Омайдир.

Маълумотларга кўра, ишчилар пайвандлаш ишларини бажариш учун компрессор қозони ичига тушишган ва металлнинг уч тонналик листи силжиб кетган пайтда унинг остида қолиб кетишган.

Ҳодиса юзасидан тергов олиб борилмоқда, воқеанинг сабаблари аниқланмоқда.