Россия ва АҚШ президентлари Владимир Путин ва Дональд Трампнинг саммити Украинадаги можарони тинч йўл билан ҳал қилишга олиб келадиган жараённи бошлаши мумкин. Бу ҳақда турк дипломатик манбаси маълум қилди.
"Бизнинг кутганларимизга келсак, бу, биринчи навбатда, узоқ кутилган ўт очишни тўхтатиш ва барқарор тинч ечимга олиб келадиган жараённинг бошланиши. Биз бунга умид қиламиз", - деди манба.
15 август куни Путин ва Трамп Аляскада тор доирадаги музокаралар ўтказди. Улар ташқи ишлар вазирликлари раҳбарлари ва уларнинг ёрдамчилари иштирокида қарийб уч соат сўзлашди. Музокараларнинг асосий мавзуларидан бири Украина инқирозини ҳал қилиш эди.
Америка раҳбарининг сўзларига кўра, музокаралар давомида Украина бўйича тинч йўл билан келишувга эришиб бўлмади, аммо келажакда келишувга эришиш учун катта имкониятлар мавжуд.
Путин, ўз навбатида, Украинадаги можарога имкон қадар тезроқ барҳам бериш ниятида эканлигини маълум қилди.
Умуман олганда, Путиннинг Анкориж шаҳрига ташрифи тахминан беш соат давом этди. Трамп билан суҳбатдан сўнг Россия президенти Форт-Ричардсон миллий ҳарбий қабристонидаги “Иккинчи жаҳон урушидаги иттифоқчилар” бўлимига ташриф буюрди ва Аляскадаги православ черковига Америка ҳомийси авлиё Аляскалик Ҳерман иконасини совға қилди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Минг афсус! АҚШдаги отишмада ўзбек талаба ҳалок бўлди
