Туркия Қора денгизда номаълум дронни уриб туширди

Бу ҳақда мамлакат Мудофаа вазирлиги хабар берди.

"Туркия ҳаво ҳудуди хавфсизлигини таъминлаш мақсадида NATO ва миллий қўмондонлик назоратидаги F-16 қирувчи самолётларига жанговар жавоб бериш вазифаси юклатилди. Аниқланишича, мазкур ҳаво нишони бошқарувдан чиққан учувчисиз учиш қурилмаси бўлган. Эҳтимолий салбий оқибатларнинг олдини олиш учун у аҳоли яшаш жойларидан узоқ, хавфсиз ҳудудда нишонга олиниб уриб туширилди", дейилади вазирлик баёнотида.

Дрон кимга тегишли экани ҳозирча номаълум. Шунингдек, унинг фуқаролик ёки ҳарбий аппарат бўлгани ҳам аниқланмаган.