"Туркия чемпионати - Аббос учун трамплин"

Данил Круговой Аббосбек Файзуллаевнинг "Истанбул Башакшехир"га ўтиши эҳтимоли ҳақида гапирди.

ЦСКА ва Ўзбекистон миллий жамоасининг 21 ёшли вингери Туркия клубида тиббий кўрикдан ўтгани хабар қилинганди.

"Албатта, ҳаммамиз Аббосни соғинамиз. Лекин у қайтиб келишга ваъда берди (кулимсираб). Туркия чемпионати Файзуллаев учун жаҳон чемпионати олдидан трамплин деб ўйлайман. Унга муваффақият тилайман.

Аббос яхши футболчи ва инсон. У билан ўйнаш жуда завқли эди... Айниқса, 3-4-3 схемасида у вингер, мен эса чап қанот ҳимоясида ўйнардим," - деди ЦСКА ҳимоячиси.