АҚШнинг янги сайланган президенти Дональд Трамп ўзининг собиқ иқтисодий маслаҳатчиси Кевин Хассетт номзодини Оқ уйнинг Миллий иқтисодий кенгаши раҳбарлигига кўрсатди, деб ёзади TASS.
“Хассетт америкалик оилаларга Байден маъмурияти сабаб бўлган инфляциядан халос бўлишга ёрдам беради. Биргаликда биз Қўшма Штатлар ўтмишда ўз манфаати учун фойдаланган адолатли савдо алоқаларини таъминлаймиз. Кевин, шунингдек, Америка халқининг фаровонлигини таъминлаш билан бирга, янги ва эски иттифоқчиларимиз билан иқтисодий муносабатларимизни мустаҳкамлашда муҳим рол ўйнайди", - деди Трампнинг муваққат гуруҳи сешанба куни эълон қилган баёнотда.
2019 йилнинг июнигача Хассетт АҚШ президенти ҳузуридаги Иқтисодий маслаҳатчилар кенгашининг раиси бўлган. Бу орган Америка раҳбарига ички ва халқаро иқтисодий сиёсат масалалари бўйича маслаҳат беради. 2020 йилда Хассетт Оқ уйга Трампнинг катта маслаҳатчиси сифатида қайтди.
Bloomberg маълумотларига кўра, Хассет ўзининг янги лавозимида янги маъмуриятнинг тарифлар, савдо ва давлат харажатлари бўйича қарорларини бошқариш, шунингдек, АҚШ молия вазири билан яқин ҳамкорлик қилиш учун жавобгар бўлади. Трамп ўтган ҳафтада бу лавозимга инвестор Скотт Бессент номзодини илгари сурган эди.
Исроил ниқобини ечди
Шольц рус «Орешники» дан қўрқиб кетди
Франция ҳам очиқчасига Россияга қарши бош кўтарди
