Трампнинг қўнғироғидан кейин Таиланд Камбоджа билан ўт очишни тўхтатиш ҳақидаги келишувни тасдиқлади

Таиланд Камбоджа билан сулҳ тузишга рози, аммо бошқа томоннинг "самимий нияти"ни кўришни истайди.

Бу ҳақда Таиланд бош вазири вазифасини бажарувчи, мамлакат бош вазири ўринбосари ва ички ишлар вазири Пхумтхам Вечайчай маълум қилди.

Шанба куни эрталаб АҚШ президенти Дональд Трамп Таиланд ва Камбоджа етакчилари у билан суҳбатда ўт очишни тўхтатиш истагини билдирганини айтган эди. Унинг сўзларига кўра, Пномпен ва Бангкок аллақачон “зудлик билан учрашиш”га келишиб, сулҳ устида ишлашни бошлашган. Трамп, шунингдек, ушбу шарт бажарилгандан сўнг томонларга АҚШ билан савдо келишувларини муҳокама қилишга қайтиш имконияти берилишини ҳам аниқ айтди.

"Мен президент Трамп билан суҳбатда бўлдим, у Таиланд ва Камбоджадан зудлик билан сулҳ тузишни талаб қилди. Мен президент Трампга ташвиши учун миннатдорчилик билдирдим ва Таиланд умуман сулҳга рози эканини таъкидладим. Бироқ, Таиланд Камбоджа томонидан самимий ният кўришни хоҳлайди", — деди у.

У АҚШ президентидан Бангкок ўт очишни тўхтатиш ва “ниҳоятда низони тинч йўл билан ҳал этиш”ни муҳокама қилиш учун имкон қадар тезроқ икки томонлама мулоқот ўтказишни хоҳлашини билдиришни сўради.