Трампнинг махсус вакили Уиткофф Москвада Путин билан узоқ учрашув ўтказган бўлиши мумкин

Бундай тахминни Fox News телеканали журналисти илгари сурди, бу ҳақда Оқ уй стенограммасида қайд этилган.

"Стив Уиткофф Владимир Путин билан учрашган, бу уч ярим соат давом этган бўлиши мумкин. Биз бундан қандай хулоса чиқара оламиз? Европадаги урушнинг якунланишига умид қилсак бўладими?" — дея фикр билдирди телеканал журналисти Шон Ҳаннити.

АҚШ Давлат котиби Марко Рубио бу хабарни тасдиқламади, бироқ президент Трамп Украинадаги урушни тугатиш ниятида эканини таъкидлади.