Оқ уй Дональд Трамп Украинага Москва ва Санкт-Петербургга зарба беришни таклиф қилгани ҳақидаги хабарларни рад этди. Расмий баёнотга кўра, Трампнинг сўзлари нотўғри талқин қилинган.
Reuters агентлиги келтирган Оқ уй баёнотида айтилишича, АҚШ президенти Дональд Трамп Украина президенти Владимир Зеленскийга Россия шаҳарларига ҳужум қилишни буюрмаган.
«Президентнинг изоҳи нотўғри талқин қилинган. У шунчаки савол берган, холос», — дейилади ҳужжатда.
Аввалроқ Financial Times газетаси 4 июлда бўлиб ўтган телефон суҳбатида Трамп Зеленскийдан Украина Москва ва Санкт-Петербургга ҳужум қилоладими, деб сўраганини ёзган эди. Нашрга кўра, Зеленский шундай жавоб берган: «Албатта. Агар қурол берсангиз, буни амалга оширишимиз мумкин».
The Washington Post ҳам шунга ўхшаш маълумотни келтирди. Унга кўра, Трамп Украина ҳалигача нега йирик Россия шаҳарларига зарба бермаганини сўраган.
Россия президенти матбуот котиби эса, АҚШ нашрлари орқали тарқалган бу каби маълумотларни изоҳлар экан, уларнинг аксарияти сохта бўлишини, баъзида эса жиддий маълумотлар ҳам чиқиб кетишини тан олди.
«Баъзан бундай маълумотлар жиддий бўлади. Бизнингча, бу ишончли манбалар бўлган таҳририятлардан ҳам шундай маълумотлар чиқиб туриши мумкин», — деди у.
Дилшод Тўрахўжаев иши: Россия Ўзбекистонга нота йўллади
Машҳур блогер Абдурозиқ Дубай аэропортида ҳибсга олинди
"Германиянинг бирлашишига дарҳол рози бўлиб Горбачев хато қилган..."
